مركزك كله في برنامج واحد،وإنت مرتاح
المواعيد، والجلسات، وتطور كل طفل، والفلوس، والفريق. كله ماشي لوحده ومتسجل، وإنت تركّز على تطوير مركزك.
- بالعربي وبالجنيه المصري
- الجدول بيتوزّع لوحده من غير تعارض
- تذكير الأهالي بالمواعيد على موبايلهم
- تعرف كسبت ولا خسرت كل يوم
- تجربة مجانية ١٤ يوم
شاشة لكل واحد في المركز
- المالك
- السينيور
- الدكتور
- الريسبشن
- ولي الأمر
لصاحب المركز
إنت ركّز على تطوير مركزك، والتفاصيل علينا
بدل ما يومك يضيع في متابعة مين حضر، ومين دفع، وكام دخل، كل ده قدامك متسجل وواضح.
تعرف إمتى كل دكتور دخل المركز وبدأ شغله
الحضور بكود QR من تابلت الريسبشن بالدقيقة، والتأخير بيتحسب لوحده، وغرامة التأخير على حسب لايحتك.
الريسبشن مايعرفش إنت صافي كام من كل حالة
صافي الربح وأجر كل دكتور بيظهروا ليك إنت بس، وكل دكتور يشوف أجره هو بس. الريسبشن بيشوف اللي بيحصّله وبس.
تاريخ دفع كل حالة متسجل
كل دفعة لكل طفل متسجلة بتاريخها، والمبلغ، وطريقة الدفع، ومين استلمها. ولا حاجة بتضيع، ولا خناقة على «أنا دفعت».
المركز كله في موبايلك
الربح، والحضور، والمواعيد، وإشعار بكل جديد، من أي مكان. مش لازم تكون في المركز علشان تعرف اللي بيحصل.
سؤال وجواب
ليه تختار Fizioteq؟
سيستم متخصص في إدارة مراكز العلاج الطبيعي، ومعاك مطوّر يكبّره مع مركزك.
متخصص في إدارة مراكز العلاج الطبيعي
مش برنامج عيادات عام. معمول من الأول للآخر لمراكز العلاج الطبيعي للأطفال والكبار: خطة لكل قسم، وتطور كل حالة خطوة بخطوة (مهارات الطفل أو الألم والأهداف العلاجية للكبار)، وباقات جلسات، وبوابة للمريض أو ولي الأمر.
معاك مطوّر يضيفلك اللي محتاجه
محتاج ميزة مش موجودة؟ قولّنا، ومطوّر من فريقنا بيدرسها معاك ويضيفها لمركزك. البرنامج بيكبر مع مركزك.
بالعربي وبطريقة شغلنا
بالعامية المصرية وبالجنيه، والمقدم والجلسة اليومية، والواتساب، ومواعيد الأهالي. معمول على طريقة شغل المراكز عندنا.
تبدأ النهارده، ببلاش
تجربة مجانية من غير كارت، وإحنا اللي بنفتحلك المركز ونجهّز الفروع والأسعار.
المشاكل وحلها
ودّع الشيتات والورق
مشاكل كل مركز بيعيشها كل يوم، وحل كل واحدة جوه Fizioteq.
المواعيد والجدول
لسه بتوزّع الأطفال على الدكاترة بشيتات وورق؟
الجدول بيتوزّع أوتوماتيك على أيام كل دكتور ومواعيده، ومفيش جلستين فوق بعض.
دكتور غاب فجأة واليوم اتلخبط؟
البرنامج بيقترح دكتور بديل فاضي في نفس الميعاد، أو نفس الدكتور يوم تاني، والأطفال اللي أهلهم موافقين على البديل بيتنقلوا لوحدهم.
ميعاد فضي والأطفال على قايمة الانتظار؟
قايمة انتظار، وأول ما ميعاد يفضى البرنامج بيقترحه على الطفل المناسب ليه.
أهالي بييجوا متأخر أو مابيجوش؟
«جدول بكره» بيوضح مين أكد ومين لسه، ولايحة إلغاء ورسوم غياب بتتحسب لوحدها على حسب قواعدك.
الأهل والأطفال
الريسبشن طول اليوم بتتصل تفكّر الأهالي بالمواعيد؟
الأهل بيوصلهم تذكير على موبايلهم قبل الجلسة لوحده، وقبلها بنص ساعة.
الأهل كل شوية يسألوا: ابني اتحسّن؟
بوابة لولي الأمر فيها جدول طفله، والمهارات اللي وصلها خطوة بخطوة، وملاحظات الدكتور اللي يختار يشاركها.
أهالي برّه مصر عايزين تقييم لطفلهم؟
تقييم أونلاين بلينك اجتماع، والميعاد بيظهر للأهل بتوقيت بلدهم.
معاد إعادة تقييم طفل فات ومحدش خد باله؟
البرنامج بيفكّر السينيور بمواعيد إعادة التقييم والمتابعة قبل ما تيجي.
الفلوس
آخر الشهر مش عارف كسبت ولا خسرت؟
صافي ربحك قدامك كل يوم: الدخل، ومرتبات الدكاترة، والمصاريف، واللي متأخر في الدفع.
مين دفع ومين عليه فلوس متسجل في كشكول؟
حساب كل طفل واضح بالجنيه، المقدم والجلسة اليومية، والمتأخرين ليهم تنبيه.
حساب مرتبات الدكاترة بياخد يوم كامل؟
أجر كل دكتور بيتحسب لوحده على كل جلسة اتعملت حسب نوعها، وكشف المرتبات جاهز آخر الشهر.
مصاريف المركز متفرقة ومش محسوبة؟
المصاريف الثابتة والمتغيرة متسجلة، وبتتخصم من ربحك يوم بيوم.
الفريق والإدارة
مين حضر ومين اتأخر النهارده؟
الحضور بكود QR من تابلت الريسبشن، والتأخير بيتحسب لوحده، وغرامات التأخير على حسب لايحتك.
عندك أكتر من فرع ومش ملاحق؟
كل الفروع في شاشة واحدة، أو كل فرع لوحده، بفريقه ومواعيده وأرقامه.
الدكتور الجديد بيبدأ مع الطفل من الصفر؟
ملف الطفل فيه التشخيص، والخطة العلاجية، والمهارات، وملاحظات كل جلسة، فأي دكتور يكمّل من مكان ما اللي قبله وقف.
قلقان على بيانات الأطفال؟
التشخيص والملاحظات متشفرة، كل واحد بيشوف اللي يخص شغله بس، وكل اطلاع أو تعديل متسجل في سجل التدقيق.
المميزات
كل اللي مركزك محتاجه
كل واحد في المركز ليه شاشته: المالك، والسينيور، والدكتور، والريسبشن، وولي الأمر.
مواعيد بتتحجز لوحدها
توزيع الأطفال على الدكاترة أوتوماتيك: اربط الطفل بميعاده مرة واحدة، والبرنامج يحجز الشهر كله على أيام الدكتور، ومستحيل جلستين فوق بعض.
ريسبشن منظمة
فتح الملفات برقم تلقائي، والدفع مقدم أو بالجلسة، وتأكيد مواعيد بكره، وقايمة انتظار، والمتأخرين في الدفع قدامك.
الدكاترة والسينيور
جلسات النهارده، والخطة العلاجية، وتطور كل طفل خطوة بخطوة، وتقارير التقدم، وأجر كل دكتور بيتحسب لوحده.
بوابة لولي الأمر
الأهل يشوفوا جدول طفلهم وتطوره، ويوصلهم تذكير بميعاد الجلسة، ويدفعوا ويرفعوا صورة الإيصال، ويقيّموا الدكتور من موبايلهم.
واتساب الريسبشن جوه البرنامج (قريباً)
كل محادثات الأهل في صندوق واحد: مين مسؤول عن كل محادثة، وتاجات، والمحادثات اللي مستنية رد، ومربوطة بملف الطفل.
أرباحك وقراراتك
صافي الربح كل يوم وكل شهر، والتحصيل، والمركز مليان قد إيه، والأطفال اللي ورا خطتهم، والفلوس اللي ضاعت في الغياب.
إشعارات على الموبايل
الريسبشن تعرف إن الجلسة خلصت، والدكتور يعرف إن الطفل وصل، وإنت تعرف كل جديد، حتى لو البرنامج مقفول.
بيانات الأطفال في أمان
التشخيص والملاحظات متشفرة، وكل مركز بياناته منفصلة تماماً، وكل واحد بيشوف اللي يخصه بس، وكل اطلاع متسجل.
خطوات بسيطة
تبدأ إزاي
- ١
ابعت الطلب
اسم المركز ورقمك. دقيقة واحدة.
- ٢
بنفتحلك المركز
بنكلمك ونجهز الفروع والأسعار، وإنت تضيف فريقك وأطفالك.
- ٣
ابدأ الشغل
الريسبشن والدكاترة يشتغلوا من الكمبيوتر أو الموبايل، والأهل يتابعوا من موبايلهم.
الأسعار
باقة على قد مركزك
اشتراك شهري. كل الباقات فيها كل المميزات، والفرق في الحجم. أول ١٤ يوم مجاناً.
أساسي
١٬٠٠٠ ج.م. / شهر
- ١ فرع
- ٥٠ طفل
- ١٤ دكتور
- ٤ ريسبشن
- كل المميزات
متوسط
الأكثر طلباً٢٬٠٠٠ ج.م. / شهر
- ٣ فرع
- ٤٠٠ طفل
- دكتور من غير حد
- ريسبشن من غير حد
- كل المميزات
كبير
٣٬٥٠٠ ج.م. / شهر
- فرع من غير حد
- طفل من غير حد
- دكتور من غير حد
- ريسبشن من غير حد
- كل المميزات
أسئلة
أسئلة بتتسأل كتير
إيه أفضل برنامج لإدارة مراكز العلاج الطبيعي؟
أفضل سيستم لمركز علاج طبيعي هو اللي معمول لطبيعة شغله: جلسات متكررة كل أسبوع، وخطة علاج لكل طفل، وأهالي عايزين يتابعوا، ودكاترة بالحصة أو بالمرتب. Fizioteq معمول مخصوص لكده، مش برنامج عيادات عام، وتقدر تجربه مجاناً وتحكم بنفسك.
ينفع لعيادة صغيرة ولا للمراكز الكبيرة بس؟
ينفع للاتنين: من عيادة علاج طبيعي فيها دكتور واحد، لحد مركز كبير بكذا فرع وفريق ريسبشن ودكاترة كتير. وفيه أكتر من باقة على حسب حجم مركزك.
ينفع لمراكز التخاطب والتكامل الحسي والتأهيل؟
أيوه. كل قسم ليه خطته وأهدافه: علاج طبيعي، وتخاطب، وتكامل حسي، وعلاج مائي، ومهارات، والطفل الواحد ممكن يبقى متابع في أكتر من قسم.
ليه أختار Fizioteq؟
لأنه متخصص في إدارة مراكز العلاج الطبيعي، مش برنامج عيادات عام، وبالعربي وعلى طريقة شغل المراكز في مصر، ومعاك مطوّر يضيفلك أي ميزة مركزك محتاجها.
لو محتاج ميزة مش موجودة؟
قولّنا عليها. مطوّر من فريقنا بيقعد معاك يفهم محتاج إيه بالظبط، ويضيفها لمركزك.
محتاج أجهزة أو برامج مخصوصة؟
لا. البرنامج بيفتح من المتصفح على أي كمبيوتر أو موبايل، وينفع يتسطب على الموبايل زي التطبيق.
بيانات مركزي ممكن حد تاني يشوفها؟
لا. كل مركز بياناته منفصلة تماماً عن باقي المراكز، والتشخيص والملاحظات الطبية متشفرة، وكل موظف بيشوف اللي يخص شغله بس.
ينفع أكتر من فرع؟
أيوه، كل فرع ليه مواعيده وفريقه، وإنت تشوف كل الفروع مع بعض أو كل فرع لوحده.
الدفع بيبقى إزاي؟
اشتراك شهري بالتحويل، وبنبعتلك طريقة الدفع لما تبدأ. والتجربة الأولى مجانية من غير كارت.
ابدأ النهارده
جرّب Fizioteq في مركزك
ابعت بياناتك وهنكلمك خلال يوم عمل، ونفتحلك المركز ونساعدك تبدأ. التجربة ١٤ يوم مجاناً بكل المميزات.
- من غير كارت ومن غير التزام
- إحنا اللي بنفتحلك المركز ونجهّزه
- بياناتك متشفرة ومنفصلة عن أي مركز تاني
سيستم إدارة عيادات ومراكز العلاج الطبيعي في مصر
لو بتدوّر على أفضل برنامج لإدارة مركز علاج طبيعي، أو سيستم لعيادة علاج طبيعي، أو برنامج لمركز تخاطب أو تكامل حسي أو تأهيل أطفال، فـ Fizioteq معمول لكده بالظبط. سيستم عيادات بالعربي بيجمع حجز المواعيد وتوزيع الجدول أوتوماتيك، وتذكير الأهالي بالجلسات، وملف وخطة علاج لكل طفل، وحضور الدكاترة والريسبشن، والمدفوعات والحسابات وصافي الربح، في برنامج واحد بيشتغل من الكمبيوتر والموبايل، للعيادة الصغيرة وللمراكز اللي ليها أكتر من فرع في القاهرة والإسكندرية وكل محافظات مصر.